Boso Jowo Pati vs Boso Jowo nJeporo [Artikel Basa Jawa]

Mbe'e podo-podo boso Jowo karo panggonane jejeran muk batesan karo gunung Murio, ternyata boso Jowo Pati mbek boso Jowo nJeporo iku bedane adoh. Senajan ora adoh-adoh banget nanging nek tau ketemu mesti kuwe aku iso mbedakno endi leh seng wong Pati karo endi seng wong Jeporo.

    Nek kene tak jelasno beberapa conto bedane boso Jowo Pati karo boso Jowo nJeporo. Nek menowo kuwe nduwe perbedaan liyo tulis ae komentarem nek kolom komentar ben podo-podo reti. :D

1. Leh vs Si
    Partikel siji iki nek di bahasa Indonesiakno artine 'Sih'. Podo-podo artine sih tapi nek kuwe ketemu karo wong nek ngomong amen lah-leh-lah-leh iku 99% iso dipestekno nek wong iku asli Pati. Tapi nek angger ngomong nganggo si, kadang didawakno siiiiiih iku iso dipestekno mesti ko nJeporo.
contone nek boso Jowo Pati:
-Lho kepiye leh? Hare ape makani wedusem og?
nek versi nJeporone
-Lho piye sii? Jare ape makani wedusmu og?
Goro-goro akhiran si iki, aku nduwe konco wong Jeporo kadang dinggo ece-ecenan nek angger ngomong si mesti ditambahi let (dadine silet). Tapi kadang yo malah wong jeporo dewe seng nggenti kata si karo let, jarene sih ben ora ditambahi let meneh. Hahaha cerdas!.

2. -Em vs -Mu
    Nah iki seng kadang ketoro buanget ndi seng wong Pati ndi seng wong Jeporo. Nek kuwe lagi nek kuto gede koyok Semarang opo Jakarta trus kuwe ketemu wong nek ngomong jowo nganggo akhiran -Em iku 99% mesti wong seko Pati. Tapi nek ketemu wong nganggo -Mu durung mesti ko nJeporo, soale boso Jowo umume iku ancen do nganggo mu ora ono seng nggo em kecuali Pati dkk.
contone boso Jowo Pati:
-Heh mas, bukunem tak sileh ya? oleh a?
contone boso Jowo nJeporo:
-Heh mas, bukumu tak sileh ya? oleh si?
Dadi sempet ono guyonan nek wong Pati iku mek nduwe buku, untu, rai, konco karo tipi nem tok ora luweh.

3. Go vs Tah
    Iki perbedaan paling mencolok antarane Jowo Pati karo nJeporo. Wong Pati angger mrentah-mrentah iku mesti diwe'i akhiran Go lhanek wong nJeporo iku diakhiri Tah. Partikel loro iki nek diindonesiakno iku artine kiro-kiro 'Lah' koyok nek kalimat 'Pukullah'.
Contone boso Jowo Pati:
-Heh wes dinteni karo cah-cah kok malah turu ae! Gage go ndang mangkat!
Contone boso Jowo nJeporo:
-Heh wes dinteni karo cah-cah kok malah turu ae! Gagenan tah ndang mangkat!
kalimat Gage go ala pati iki dadi kebanggaane wong Pati, bahkan ono produsen kaos asal pati nulis Gage go nek salah siji desain kaose.

4. Telo vs Pohung
    Wong Pati iku ora iso ucul karo seng Jengene telo (ketela pohon). Saking ora iso ucule ngasik-ngasik jengen daerahe dijenakno Pati seng asale soko Telo. Ora gumun, Pati utara tepate neng kecamatan Margoyoso akeh ditemoni sentra industri Pati telo. Amerga iku terus  daerah iki (jarene) diarani Pati. Bedo neh karo wong Jeporo, wong Jeporo ora patek fanatik mbi Telo, telo iku nek nok Jeporo diarani Pohung. Nek ora salah jengen pohung iki ora mek nek daerah Jeporo tok seng ngenggo. Wong Demak, Semarang karo Solo nganggone Pohung podo wae tapi dengan beberapa derivasine. Semarang kulon (Daerah Ngaliyan) nek ngarani Pogung malah.

5. PERSIPA vs PERSIJAP
    Nah iki perbedaan seng paling ngerugikno. Nek pas bal-balan Persipa vs Persijap ora tau jengene rukun, mesti gelutan. Ora tau jengene rukun. Tapi untunge seng tim senior Persijap iku neng divisi rodok duwur timbang Persipa. Dadine tukarane iso diminimalisir mergo arang-arang ketemu. Tapi nek kadung ketemu koyok nek pertandingan persahabatan utowo pertandingan kelompok Usia, mesti do tukaran. Mboh endi seng menang endi seng kalah, tapi seng mesti tukaran. Bahkan umpomo imbang, iku malah wasite iso ugo seng dijak tukaran menowo.. hahaha guyon bro!.

    Yo iku kiro-kiro perbedaan e boso Jowo Pati karo Jeporo. Khusus nomer limo ora ono kaitane karo boso Jowo lawong seng ngarang bingung ape nambahi opo. Yo ben ketok'e macem limo sangger tambahi siji lah nggo pantes-pantesan.

    Mbe'o ono perbedaan nangeng yo persamaane Pati karo nJeporo iku akeh. Nek ketemu wong seng ora teliti kadang yo bingung mbedakno ndi wong Pati ndi wong nJeporo. Tur, di sisi lain Pati yo ora bakal iso urep nek ora ono nJeporo, tur sewalike, nJeporo yo ora iso urep nek ora ono Pati. Ibarat Yin dan Yang lah, Pati-Njeporo saling melengkapi. Intine bersatu nek njero perbedaan. Rasah gelutan. Isin a nde, bal-balan gelutan Pati-nJeporo tapi seng diuntungno wong Kudus, kan gelutane do nggowo Udut, udute lak yo seko Kudus? Malah kenaken wong Kudus iku ngko.. hahaha. [muhtam]